அகில இந்திய தொழில்நுட்ப கவுன்சில் (ஏ.ஐ.சி.டி.யு.) உறுப்பினர் செயலாளர் ‎பெற்றோர்களுக்கு எச்சரிக்கை அறிக்கை வெளியிட்டு உள்ளார். ‎அதில், இந்தியா முழுவதும் பல என்ஜினீயரிங் கல்லூரிகள் அங்கீகாரம் ‎இல்லாமல் நடத்தப்பட்டு வருவதாகவும், இதில் படித்த மாணவர்கள் பாதிக்கப்பட்டு ‎உள்ளனர். இதை கருத்தில் கொண்டு ஒரு என்ஜினீயரிங் கல்லூரி யிலோ அல்லது ‎படிப்பிலோ சேருவதற்கு AICTE-ன் இணைய தளத்தில் உள்ள அங்கீகாரம் பெற்ற ‎கல்லூரி களின் பட்டியலை பார்க்க வேண்டும்.‎

அந்த பட்டியலில் மாணவர்களை சேர்க்க விரும்பும் கல்லூரியின் பெயர் உள்ளதா? ‎அந்த பாடப் பிரிவிற்கு அங்கீகாரம் பெற்று இருக்கிறார்களா என்பதை அறிந்து கொள்ள ‎வேண்டும். இதை சரிபார்த்த பின்னரே கல்லூரியில் சேருமாறு கேட்டுக் ‎கொள்ளப்படுகிறார்கள்.‎

அப்படி இணையதளத்தை பயன்படுத்த முடியாத மாணவர்கள் அவர்களுடைய ‎மாநிலத்தில் உள்ள AICTE மண்டல அலுவலகத்தை தொடர்பு கொண்டு தெரிந்து ‎கொள்ளலாம்.‎

சென்னையில் AICTE மண்டல அலுவலகம் ஸ்டெர்லிங் ரோட்டில் உள்ள ‎சாஸ்திரிபவன் வளாகத்தில் உள்ளது. மாணவர்கள் அந்த அலுவலகத்தில் தொடர்பு ‎கொண்டு தாங்கள் சேரும் கல்லூரியோ, பாடப்பிரிவோ அங்கீகாரம் பெற்றுள்ளதா ‎என்பதை பார்த்துக் கொள்ளலாம் என்று தெரிவித்துள்ளார்.‎