சென்னை, மார்ச் 31: 2010-ம் ஆண்டுக்கான ஹஜ் புனிதப் பயணத்துக்கு தமிழக முஸ்லிம்களிடமிருந்து, மாநில ஹஜ் குழு ‎விண்ணப்பங்களை வரவேற்றுள்ளது.‎

நுங்கம்பாக்கம் மகாத்மா காந்தி சாலையில் ரோஸி டவர் மூன்றாவது தளத்தில் உள்ள தமிழ்நாடு மாநில ஹஜ் குழு நிர்வாக ‎அலுவலகத்தில் 1.4.2010 முதல் விண்ணப்பங்களைப் பெற்றுக்கொள்ளலாம். இணைய தளத்திலிருந்தும் விண்ணப்பப் படிவத்தை ‎பதிவிறக்கம் செய்து கொள்ளலாம்.‎

விதிமுறைகள் என்னென்ன? : ஒரு விண்ணப்பத்தில் அதிகபட்சம் 5 பேர் விண்ணப்பிக்கலாம். இவர்கள் அனைவரும் நெருங்கிய ‎உறவினர்களாகவும், ஒரே மாவட்டத்தைச் சார்ந்தவராகவும் இருக்க வேண்டும்.‎

கட்டணம்: பூர்த்தி செய்யப்பட்ட விண்ணப்பத்துடன், பரிசீலனைக் கட்டணமாக பயணி ஒருவருக்கு ரூ. 200 வீதம் மத்திய ஹஜ் ‎குழு வங்கி கணக்கு எண்: 30683623887}ல் செலுத்தி, அதற்கான ரசீதை இணைக்க வேண்டும். இந்தக் கட்டணம் திருப்பித் ‎தரப்படமாட்டாது.‎

பூர்த்தி செய்யப்பட்ட விண்ணப்பங்கள் 30.4.2010}க்குள் சமர்ப்பிக்கப்பட வேண்டும். விண்ணப்பங்கள் கம்ப்யூட்டர் மூலம் குலுக்கல் ‎முறையில் தேர்வு செய்யப்படும். சவுதி அரேபிய அரசின் புதியக் கட்டுப்பாட்டின்படி, குலுக்கலில் தேர்வு செய்யப்பட்ட ‎பயணிகள், சர்வதேச பாஸ்போர்ட் வைத்திருக்க வேண்டும். இதனுடைய நகலையும், விண்ணப்பத்துடன் இணைத்து அனுப்ப ‎வேண்டும்.‎

சர்வதேச பாஸ்போர்ட்டுக்கு விண்ணப்பித்திருப்பவர்கள், அதற்கான சான்றை விண்ணப்பத்துடன் இணைத்து அனுப்பலாம். ‎ஆனால் முழுமையான விண்ணப்பங்களை மத்திய ஹஜ் குழுவுக்கு சமர்ப்பிப்பதற்கு முன்பு, சர்வதேச பாஸ்போர்ட்டை ‎சமர்ப்பிக்க வேண்டும்.‎

ஹஜ் பயணத்துக்கு கடந்த மூன்று ஆண்டுகளாக தொடர்ந்து விண்ணப்பித்து தெரிவு செய்யப்படாதவர்களின் விண்ணப்பங்களை ‎நேரடியாக தேர்வு செய்து உறுதிப்படுத்த மத்திய ஹஜ் குழு முடிவெடுத்துள்ளது. இவர்கள் குலுக்கலின்றி 2010 புனிதப் ‎பயணத்துக்கு உறுதி செய்யப்படுவர்.‎

தினமணி, Dated.01-04-2010 Download As PDF