நான்குநேரியில் கல்விக்குழு கூட்டம்

அக்டோபர் 07,2010,02:18 IST

நான்குநேரி:

நான்குநேரியில் ஏழை மாணவர்களின் வேலைவாய்ப்பு கல்விக்கான கல்விக்குழு கூட்டம் நடந்தது.நான்குநேரி கிராமிய சமுதாய கல்லூரியில் கல்விக்குழு கூட்டம் கல்லூரி முதல்வர் எட்வின் டேனியல்தாஸ் தலைமையில் நடந்தது. இந்திரா காந்தி தேசிய திறந்தநிலை பல்கலைக்கழக மதுரை மண்டல இயக்குநர் சண்முகம் முன்னிலை வகித்தார்.

கல்லூரி தாளாளரும் வக்கீலுமான மரியஜேம்ஸ், கல்விக்குழு கூட்ட ஆலோசகர் ஜஸ்டீன் மோசஸ், நான்குநேரி உதவி தொடக்க கல்வி அலுவலர் சந்திரசேகர், புகழேந்தி, சங்கர் கோபு, தொழிற்சாலை பங்குதாரர் நாராயணன், நான்குநேரி முன்னாள் எம்.எல்.ஏ.க்கள் கிருஷ்ணன், மாணிக்கராஜ், கல்லூரி விரிவுரையாளர்கள் அருமைராஜ், ஜீலா மற்றும் பலர் பேசினர்.

கூட்டத்தில், கணிப்பொறியியல் மற்றும் மின்னணுவியல் பாடப்பிரிவுகள் ஜூலை-2010 முதல் நடத்த வேண்டும். அதற்கான பாடத்திட்டம், ஆசிரியர்கள் பட்டியல் மற்றும் வேலை கொடுக்கும் தொழிற்சாலைகளில் பட்டியல் ஆகியன பற்றி விவாதிக்கப்பட்டு அனைவராலும் ஏற்றுக் கொள்ளப்பட்டது.கல்லூரி தாளாளரும் வக்கீலுமான மரியஜேம்ஸ் நன்றி கூறினார்.

http://www.dinamalar.com/district_detail.asp?id=101254