ஏர்வாடி பெருந்தெருவில் என்.எஸ்.எஸ்., முகாம்
அக்டோபர் 20,2010,03:08 IST

திருநெல்வேலி : ஏர்வாடி அரசு ஆண்கள் மேல்நிலைப்பள்ளி என்.எஸ்.எஸ்., மாணவர்கள் பெருந்தெரு கிராமத்தில் சிறப்பு முகாம் நடத்தினர். துவக்க விழாவிற்கு தலைவர் நம்பி தலைமை வகித்தார். டவுன் பஞ்., செயல் அலுவலர் முத்துக்குமார் முன்னிலை வகித்தார். டவுன் பஞ்., தலைவர் ஜலாலுதீன் துவக்கிவைத்தார். முகாம் ஏழு நாட்கள் நடந்தது. மாணவர்கள் காலையில் தெருக்களை சுத்தப்படுத்துதல், சாலை பராமரிப்பு, முட்புதர்களை அகற்றுதல், மரக்கன்றுகள் நடுதல், கோயில் உழவாரப்பணி உள்ளிட்ட களப்பணிகளில் ஈடுபட்டனர். மாலையில் தேசிய ஒருமைப்பாடு, சுற்றுச்சூழல் பாதுகாப்பு, அனைவருக்கும் கல்வி, மகளிர், குழந்தைகள் மேம்பாடு, பேரிடர் மேலாண்மை குறித்து விழிப்புணர்வு நிகழ்ச்சிகள் நடந்தன. திருக்குறுங்குடி டி.வி.எஸ்., அறக்கட்டளையுடன் இணைந்து இளம்பெண்களுக்கு ரத்தசோகை நோய் கண்டறியும் முகாம் நடந்தது. சுற்றுப்பகுதி பெண்கள் கலந்து கொண்டனர். புகையிலை ஒழிப்பு விழிப்புணர்வு பேரணி நடந்தது.

நிறைவு விழாவிற்கு டவுன் பஞ்., துணைத்தலைவர் கிருஷ்ணப்பெருமாள் தலைமை வகித்தார். வள்ளியூர் டவுன் பஞ்., பணி ஆய்வாளர் விஜயக்குமார், சுந்தரராஜ் முன்னிலை வகித்தனர். மருத்துவ அலுவலர் தங்கராஜ், போலீஸ் சப்-இன்ஸ்பெக்டர் கணேசன் மாணவர்களுக்கு பரிசு, சான்றிதழ் வழங்கினர். ஓய்வு பெற்ற தலைமையாசிரியர் அனந்த நாராயணப்பிள்ளை, விவசாயிகள் சங்கத்தலைவர் தங்கவேலு, டி.வி.எஸ்., அறக்கட்டளை முதுநிலை அலுவலர் பொன் வைத்தியநாதன், ஆலோசகர்கள் சுப்பையா பிள்ளை, முப்பிடாதி பேசினர். ஆசிரியர் மணிமொழியன் நன்றி கூறினார். ஏற்பாடுகளை பள்ளி தலைமையாசிரியர் புஷ்பலதா, என்.எஸ்.எஸ்., திட்ட அலுவலர் தங்கவேலு, உதவி திட்ட அலுவலர் பாலகிருஷ்ணன், ஆலோசகர் விஜயக்குமார், மாணவர்கள் செய்திருந்தனர்.