ஏர்வாடி அருகே கிணற்றில்விழுந்த பசுமாடு மீட்பு
அக்டோபர் 31,2010,03:33  IST

ஏர்வாடி:ஏர்வாடி அருகே கிணற்றில் விழுந்த பசுமாட்டை உயிருடன் தீயணைப்பு துறையினர் மீட்டனர்.ஏர்வாடி அருகேயுள்ள புலியூர்குறிச்சி காந்தி தெருவை சேர்ந்தவர் சுந்தரம் மகன் சுவாமிநாதன். இவருடைய பசுமாடு மேயச் சென்ற இடத்தில் 60அடி ஆழமுள்ள கிணற்றில் விழுந்துவிட்டது. இதுகுறித்து சுவாமிநாதன் வள்ளியூர் தீயணைப்பு மற்றும் மீட்பு பணி துறையினருக்கு தகவல் கொடுத்தார்.

உடனே தீயணைப்பு நிலைய அலுவலர் சுப்பையா தலைமையில் ஏட்டையா மரியமுத்து, தீயணைப்பு வீரர்கள் ரெங்கதுரை, விவேகானந்தன், மரியஎடிசன், பூபாலன், செல்வக்குமார் ஆகியோர் கிணற்றில் உயிருக்கு போராடிக் கொண்டிருந்த பசு மாட்டை கயிறு கட்டி கடும் சிரமத்திற்கிடையே உயிருடன் பத்திரமாக மீட்டனர்.கிணற்றில் விழுந்த பசுமாட்டை உயிருடன் மீட்ட தீயணைப்பு துறையினரை பொதுமக்கள் பாராட்டினர்.

http://www.dinamalar.com/district_detail.asp?id=117479