|
Posted by Haja Mohideen
(Hajas) on 12/31/2010
|
|||
அடுத்த மாதம் (ஜனவரி) 31-ந் தேதிக்குள் வக்பு வாரிய சொத்துக்களை கணக்கெடுக்க வேண்டும் என்று நிலவரி திட்ட அலுவலர் கணேசன் உத்தரவிட்டார். வாக்புவாரிய சொத்துகள் மத்திய அரசின் சட்டப்படி, தமிழகம் முழுவதும் உள்ள வக்புவாரிய சொத்துக்கள் கணக்கெடுக்கப்படுகின்றன. சென்னை நிலவரி திட்ட அலுவலர்கள் ஒவ்வொரு மாவட்டமாக ஆய்வு கூட்டம் நடத்தி வருகிறார்கள். எப்படி கணக்கெடுக்க வேண்டும் என்பது குறித்து தாசில்தார், வருவாய் அலுவலர்கள், கிராமநிர்வாக அதிகாரிகளுக்கு பயிற்சி அளிக்கப்பட்டு வருகிறது. நிலவரி திட்ட அலுவலகம் மூலம் விண்ணப்பங்கள் வழங்கப்பட்டு உள்ளது. அந்த விண்ணப்பங்களை எப்படி பூர்த்தி செய்ய வேண்டும் என்று பயிற்சி அளிக்கப்பட்டது. தற்போது ஒவ்வொரு மாவட்டமாக ஆய்வு கூட்டம் நடத்தப்பட்டு வருகிறது. ஆய்வு கூட்டம் நெல்லை கலெக்டர் அலுவலகத்தில் உள்ள வளர்ச்சிமன்ற கூட்ட அரங்கில், வக்புவாரிய சொத்துகள் கணக்கெடுக்கும் பணி தொடர்பான ஆய்வு கூட்டம் நேற்று நடந்தது. கூட்டத்துக்கு சென்னை நிலவரி திட்ட அலுவலர் கணேசன் தலைமை தாங்கினார். உதவி நிலவரி திட்ட அலுவலர் மோகனம் முன்னிலை வகித்தார். நெல்லை மாவட்ட வக்பு கண்காணிப்பாளர் உதுமான் அலி, ஆய்வாளர் இப்புராஹிம் கலில், தாசில்தார்கள், வருவாய் அலுவலர்கள், கிராம நிர்வாக அலுவலர்கள் ஆகியோர் கலந்து கொண்டனர். அடுத்த மாதம் இறுதிக்குள்... கூட்டத்துக்கு பிறகு நில வரி திட்ட அலுவலர் கணேசனிடம் கேட்ட போது, "தமிழகம் முழுவதும் வக்புவாரிய சொத்துக்கள் கணக்கெடுக்கும் பணி நடந்து வருகிறது. இதுவரை 25 மாவட்டங்களில் ஆய்வு கூட்டம் நடத்துகிறோம். தற்போது நெல்லை மாவட்டத்தில் ஆய்வு கூட்டம் நடத்தப்பட்டு உள்ளது. அடுத்த மாதம் (ஜனவரி) 31-ந் தேதிக்குள் கணக்கெடுக்கும் பணி முடிக்க வேண்டும் என்று உத்தரவிடப்பட்டு உள்ளது" என்றார்.
http://www.dailythanthi.com/article.asp?NewsID=617526&disdate=1/1/2011&advt=2 |
|||
|
|
|||
| News Home | Old News | Post News |
The view points and opinion solely those of the author or source. nellaiEruvadi.com is not responsible for the posted contents.. |
||