களக்காடு தலையணை பகுதிக்கு காணும்பொங்கலன்று செல்ல இலவச அனுமதி வேண்டும்:பொதுமக்கள் கோரிக்கை

ஜனவரி 09,2011,02:14 IST

களக்காடு:களக்காடு தலையணை பகுதிக்கு காணும் பொங்கல் அன்று பொதுமக்கள் செல்ல இலவச அனுமதி அளிக்க நடவடிக்கை எடுக்க பொதுமக்கள், சுற்றுலா பயணிகள் கோரிக்கை விடுத்துள்ளனர்.பொங்கல் மறுநாள் காணும் பொங்கல் அன்று பொதுமக்கள் பல இயற்கை வன ஸ்தலங்களுக்கு சென்று குளித்து வருவார்கள். களக்காடு மலையடிவாரத்தில் உள்ள தலையணை பகுதிக்கு களக்காடு மற்றும் சுற்றுவட்டார மக்கள் குடும்பத்தோடு சென்று வருவார்கள். இப்படி செல்பவர்களிடம் வனத்துறையினர் நபருக்கு தலா 15 ரூபாய் கட்டணம் வசூலிப்பது வழக்கம்.

பல ஏழை எளிய மக்கள் சுற்றுலா பகுதிக்கு செல்ல பணம் கொடுக்க முடியாமல் கஷ்டப்படுகின்றனர்.ஆடி அமாவசøக்கு காரையார் சொரிமுத்து அய்யனார் கோயிலுக்கு செல்லும் பொதுமக்கள், பக்தர்களுக்கு வனத்துறை கட்டணம் வசூலிக்க கூடாது என அரசு உத்தரவிட்டுள்ளது. இதேபோல் ஆண்டுக்கு ஒருமுறை காணும் பொங்கல் அன்று களக்காடு தலையணை பகுதிக்கு செல்லும் சுற்றுலா பயணிகள், பொதுமக்களிடம் கட்டணம் வசூலிக்காமல் இலவசமாக சென்றுவர அரசு உத்தரவிட நடவடிக்கை எடுக்குமாறு களக்காடு பொதுமக்கள், சுற்றுலா பயணிகள் மாவட்ட நிர்வாகத்திற்கும், முதல்வர் வனத்துறை அமைச்சருக்கும் கோரிக்கை மனு அனுப்பியுள்ளனர்.

http://www.dinamalar.com/district_detail.asp?id=162343