நம்பியாற்றில் மணல் திருடிய 7 பேர் கைது

பிப்ரவரி 03,2011,01:51 IST

திசையன்விளை: திசையன்விளை அருகே நம்பியாற்றில் மணல் திருடிய 7 பேரை போலீசார் கைது செய்தனர். நம்பியாற்றில் திருட்டுதனமாக மணல் அள்ளி விற்பனை செய்யப்படுவதாக போலீசாருக்கு ரகசிய தகவல் கிடைத்தது. இதையடுத்து திசையன்விளை இன்ஸ்பெக்டர் (பொறுப்பு), உவரி இன்ஸ்பெக்டர் சண்முகம், எஸ்.ஐ.க்கள் மாரியப்பன், பிரேமா மற்றும் போலீசார், உறுமன்குளம் வி.ஏ.ஓ. மகாலிங்கம், கிராம உதவியாளர் சுடலைமுத்து ஆகியோர் பெருங்குளம் நம்பியாற்று பகுதியில் நேற்று முன்தினம் இரவு ரோந்து சென்றனர். அப்போது அங்கு வண்டியில் ஆற்று மணலை அள்ளிக் கொண்டிருந்தனர். அவர்கள் போலீசாரை கண்டதும் ஓட்டம் பிடித்தனர். அவர்களை போலீசார் மடக்கி பிடித்தனர். இதில் ரம்மதபுரம் மாரியமிக்கேல் மகன் இன்னாசிமுத்து (57), ரம்மதபுரம் ராஜேந்திரன் மகன் சலேஸ்மரியான் (51), உறுமன்குளம் இசக்கிமுத்து மகன் முருகன் (41), அதே ஊரை சேர்ந்த மன்னம்பெருமாள் மகன் வேலப்பன் (46), சுயம்பு மகன் முத்துகுமார் (24), இசக்கியப்பன் மகன் ஆறுமுகம் (36), இளையபெருமாள் மகன் முத்துமாலை (48) ஆகியோரை போலீசார் கைது செய்தனர். மேலும் உறுமன்குளத்தை சேர்ந்த மாடசாமி மகன் முருகனை போலீசார் தேடி வருகின்றனர். இவர்கள் மணல் அள்ள பயண்படுத்திய 8 மாட்டுவண்டிகள் பறிமுதல் செய்யப்பட்டன. இது தொடர்பாக திசையன்விளை போலீசார் வழக்குபதிவு செய்து விசாரணை நடத்தினர்.

http://www.dinamalar.com/district_detail.asp?id=179963