திவு செய்த நாள் : அக்டோபர் 25,2011,02:11 IST

பணகுடி : பணகுடி அருகே சுற்றுலா சென்ற வேன் நின்று கொண்டிருந்த லாரி மீது மோதியதில் ஒருவர் பரிதாபமாக இறந்தார். 5 பேர் படுகாயமடைந்தனர். உத்திரபிரதேச மாநிலம் மடிநிபூர் பகுதியை சேர்ந்த குடும்பத்தினர் கன்னியாகுமரிக்கு சுற்றுலா வந்தனர். இவர்கள் மதுரையில் சுற்றுலாவை முடித்து விட்டு அங்கிருந்து வேன் மூலம் கன்னியாகுமரிக்கு வந்து கொண்டிருந்தனர். பணகுடி அருகே நெறிஞ்சிகாலனி அருகே வரும்போது அப்பகுதியில் நின்று கொண்டிருந்த லாரி மீது சுற்றுலா வேன் எதிர்பாராதவிதமாக மோதியது. இதில் பாலீஸ்வர்சிங் என்பவர் சம்பவ இடத்திலேயே பரிதாபமாக இறந்தார். இச்சம்பவத்தில் ரூபா (45), பேத்ராதேவி (70), சத்தியநாராயணராவ் (33), ரமாதேவி (29), சம்பூட்டர் (3) ஆகிய 5 பேர் படுகாயமடைந்தனர். சம்பவம் குறித்து பணகுடி போலீசார் வழக்குபதிவு செய்து விசாரணை நடத்தி வருகின்றனர்.