ஏர்வாடி டவுன் பஞ்.,துணைத் தலைவராக பீர்முகம்மது (மமக) தேர்வு

அக்டோபர் 30,2011,01:21 IST

ஏர்வாடி : ஏர்வாடி டவுன் பஞ்., துணைத் தலைவராக ம.ம.க.கட்சியை சேர்ந்த பீர்முகம்மது போட்டியின்றி தேர்ந்தெடுக்கப்பட்டுள்ளார். ஏர்வாடி டவுன் பஞ்.,சில் மொத்தம் 15 வார்டுகள் உள்ளது. நடந்து முடிந்த உள்ளாட்சி தேர்தலில் தலைவராக சுயேட்சையாக போட்டியிட்ட ஆசாத் மற்றும் 15 வார்டு கவுன்சிலர்களும் தேர்ந்தெடுக்கப்பட்டுள்ளனர். நேற்று நடந்த துணைத் தலைவர் பதவிக்கான தேர்தலில் மனிதநேய மக்கள் கட்சியை சேர்ந்த 6வது வார்டு உறுப்பினர் பீர்முகம்மது தேர்தல் அலுவலரும் டவுன் பஞ்., நிர்வாக அதிகாரியுமான பாபுசந்திரசேகரனிடம் மனுத்தாக்கல் செய்தார். அப்போது கவுன்சிலர்கள் வேல்தாய், சுலைகாம்பாள், வேலு, நல்லமுத்து, கதிரேசன், ஜமால் முகைதீன், நியாஸ் அகமது, சகர்பானு, பாத்திமா, மாகின்அபுக்கர் உட்பட பலர் இருந்தனர்.

இவரை எதிர்த்து யாரும் மனுத்தாக்கல் செய்யாததால் போட்டியின்றி 6வது வார்டு கவுன்சிலர் பீர்முகம்மது தேர்ந்தெடுக்கப்பட்டார். அவருக்கு டவுன் பஞ்.,தலைவர் ஆசாத், நிர்வாக அதிகாரி பாபுசந்திரசேகரன், கவுன்சிலர்கள் உட்பட பலரும் வாழ்த்து தெரிவித்தனர்.

http://www.dinamalar.com/district_detail.asp?id=340169