பள்ளி வேன் விபத்தில் படுகாயமடைந்த மாணவர் பலி

ஏப்ரல் 04,2012,02:51 IST

தென்காசி : தென்காசி அருகே பள்ளி வேன் மரத்தில் மோதி விபத்துக்குள்ளானதில் படுகாயமடைந்த மாணவர் சிகிச்சை பலனின்றி பரிதாபமாக இறந்தார்.
தென்காசி அருகே இலத்தூர் விலக்கு பகுதியில் உள்ள தனியார் பள்ளி வேன் மாணவர்களை ஏற்றிக் கொண்டு பள்ளிக்கு சென்றது. செல்லும் வழியில் வேன் திடீரென ரோட்டின் ஓரத்தில் நின்ற புளிய மரத்தில் மோதியது. இதில் வேனில் இருந்த மேலகரம் அம்மன்கோவில் தெருவை சேர்ந்த பலவேசம் மகன் இசக்கிமுத்து (15) மற்றும் சிலர் படுகாயமடைந்தனர். இவர்கள் அரசு ஆஸ்பத்திரியிலும், தனியார் ஆஸ்பத்திரியிலும் சிகிச்சைக்காகச் சேர்க்கப்பட்டனர். இசக்கி முத்து நெல்லை தனியார் ஆஸ்பத்திரியில் மேல் சிகிச்சைக்காகச் சேர்க்கப்பட்டார். அங்கு தீவிர சிகிச்சை அளித்தும் பலனில்லாமல் நேற்று இசக்கிமுத்து பரிதாபமாக இறந்தார். இம்மாணவர் 9ம் வகுப்பு படித்து வந்தார்.
இச்சம்பவம் பற்றி இலத்தூர் போலீசில் புகார் செய்யப்பட்டது. சப்-இன்ஸ்பெக்டர் பவுன் (எ) பத்ரகாளி வழக்கு பதிவு செய்து விசாரணை நடத்தி வருகிறார்.

http://www.dinamalar.com/district_detail.asp?id=441428