நெல்லை மாவட்டத்தில் 3 இடங்களில் லேசான நிலநடு்க்கம்: 15 வீடுகள் சேதம்- மக்கள் பீதி

நெல்லை: தென்காசி அருகே உள்ள வடகைர, அச்சன்புதூர், வாவா நகரம் ஆகிய 3 இடங்களில் நேற்று திடீர் என்று லேசான நிலநடுக்கம் ஏற்பட்டது.

திருநெல்வேலி மாவட்டத்தில் உள்ள வடகரை, அச்சன்புதூர், வாவா நகரம் ஆகிய 3 இடங்களில் நேற்று லேசான நிலநடுக்கம் ஏற்பட்டது. முதலில் பகல் 12.15 மணிக்கும் பிறகும் மாலை 4.15 மணி மற்றும் 4.45 மணிக்கும் நிலநடுக்கம் ஏற்பட்டுள்ளது. இதில் மாலை 4.45 மணிக்கு ஏற்பட்ட நிலநடுக்கம் அதிக அளவில் உணரப்பட்டுள்ளது. இந்த நிலநடுக்கத்தில் வடகரை கிராமம் ஜாகிர் உசேன் தெருவில் உள்ள சுமார் 15 வீடுகள் சேதமைடைந்தன. மேலும் வீட்டில் இருந்த பொருட்கள் கீழே விழுந்தன.

சுவர்களில் விரிசல் ஏற்பட்டதால் மக்கள் பீதியடைந்தனர். ஒரு சில நிமிடங்களே நீடித்த நிலநடுக்கத்தால் அப்பகுதியில் பெரும் பரபரப்பு ஏற்பட்டது. மக்கள் சேதமைடந்த வீடுகளுக்கு சென்று சுவரில் ஏற்பட்ட விரிசல்களைப் பார்த்து வந்தனர். இந்த திடீர் நிலநடுக்கத்தால் யாருக்கும் பாதிப்பு ஏற்படவில்லை என்று காவல்துறையினர் தெரிவித்துள்ளனர்.

வீட்டு மாடியில் பெரிய பாறாங்கல்லை தூக்கிப் போட்டால் எப்படி சத்தம் வருமோ அதே போன்ற சத்தம் நிலநடுக்கம் ஏற்பட்டபோது கேட்டதாக மக்கள் தெரிவித்தனர்.

http://tamil.oneindia.in/news/2012/09/17/tamilnadu-mild-tremors-felt-tirunelveli-district-161554.html