|
Posted by Haja Mohideen
(Hajas) on 11/10/2012
|
|||
நாங்குநேரி அருகே அனாதையாக நின்ற காரில் 650 கிலோ வெடி மருந்து பறிமுதல்நெல்லை,- நாங்குநேரி அருகே அனாதையாக நின்ற காரில் இருந்த 650 கிலோ வெடி மருந்தை போலீசார் பறிமுதல் செய்தனர். அது குறித்து போலீசார் தீவிர விசாரணை நடத்தி வருகிறார்கள். அனாதையாக நின்ற கார் நெல்லை மாவட்டம் நாங்குநேரி 4 வழிச்சாலையில், சுங்கச்சாவடி உள்ளது. அந்த வழியாக செல்லும் வாகனங்கள் அனைத்தும் அங்கு சிறிதுநேரம் நின்று கட்டணம் செலுத்திய பின்னரே மேற்கொண்டு செல்ல அனுமதிக்கப்படும்.அப்போது நெல்லையில் இருந்து நாகர்கோவில் நோக்கி நேற்று முன்தினம் ஒரு கார் வேகமாக வந்தது. அந்த கார் நாங்குநேரி சுங்கச்சாவடி அருகே ரோட்டோரத்தில் இருந்த தடுப்பு சுவரில் மோதி நின்றது. நீண்ட நேரம் அந்த கார் அங்கேயே நின்று கொண்டு இருந்தது. இதனால் அந்த பகுதியில் இருந்தவர்கள் காரின் அருகே சென்று பார்த்தனர். அப்போது அந்த காரை ஓட்டி வந்த டிரைவரும் அதில் இல்லை. பின்னர் அதுபற்றி அங்கிருந்தவர்கள் போலீசுக்கு தகவல் கொடுத்தனர். வெடிமருந்து பறிமுதல் தகவல் அறிந்த போலீசார் சம்பவ இடத்திற்கு விரைந்து வந்து அந்த காரை சோதனை செய்தனர். அப்போது அதில் 650 கிலோ எடை உள்ள வெடி மருந்து (அமோனியம் நைட்ரேட்) 13 மூடைகள் இருந்தன. அவற்றை போலீசார் கைப்பற்றினர்.அந்த வெடி மருந்து எங்கு கொண்டு செல்லப்படுகிறது. யார் கொண்டு வந்தார்கள் என்பது குறித்து போலீசார் தீவிர விசாரணை நடத்தி வருகிறார்கள்.
http://www.dailythanthi.com/node/36294 |
|||
|
|
|||
| News Home | Old News | Post News |
The view points and opinion solely those of the author or source. nellaiEruvadi.com is not responsible for the posted contents.. |
||