நான்குநேரி : நான்குநேரி அருகே கார் கவிழ்ந்ததில் வாலிபர் இறந்தார்.ஏர்வாடியை சேர்ந்த அப்துல்காதர் மகன் சலாவுதீன்(21). இவரும், அதே ஊரை சேர்ந்த நிசார், அசாருதீன், முகமது ஆகியோரும் நேற்று ஏர்வாடியில் இருந்து நெல்லைக்கு காரில் புறப்பட்டனர். பாணான்குளத்திற்கும், தாழைகுளத்திற்கும் இடையே மூன்றடைப்பு போலீஸ் ஸ்டேஷன் அருகே கார் வந்த போது ரோட்டில் இருந்த பேரிக்கார்டில் மோதி கவிழ்ந்தது. இதில் கார் சேதமடைந்தது. சலாவுதீன், நிசார், அசாருதீன், முகமது படுகாயமடைந்தனர். 4 பேரும் பாளை., ஐகிரவுண்ட் ஆஸ்பத்திரியில் சேர்க்கப்பட்டனர். அங்கு சலாவுதீன் இறந்தார்.விபத்து குறித்து மூன்றடைப்பு போலீசார் வழக்குப்பதிவு செய்தனர். நான்குநேரி இன்ஸ்பெக்டர் ராஜ் விசாரணை நடத்தினார்.