மீன் வளர்க்க மானியம் விவசாயிகளுக்கு அழைப்பு

ஏப்ரல் 24,2013,06:28 IST

திருநெல்வேலி:பண்ணை குட்டைகள் அமைத்து மீன் வளர்க்க விவசாயிகளுக்கு மானியம் வழங்கப்படுகிறது. தேசிய வேளாண்மை அபிவிருத்தி திட்டத்தின் கீழ் பல்நோக்கு பண்ணை குட்டைகளின் மீன் வளர்ப்புககு 25 பயனாளிகள் தேர்ந்தெடுக்கப்பட உள்ளனர். மகாத்மா காந்தி தேசிய ஊரக வேலைவாய்ப்பு திட்ட்ததின் மூலம் பண்ணை குட்டைகள் அமைக்கப்படுகிறது. 2,500 சதுர மீட்டர் கொண்ட நிலத்தை உடைய விவசாயிகள் பண்ணை குட்டைகள் அமைக்க விருப்பமிருப்பின் இத்திட்டத்தில் பயனாளியாக சேரலாம். பண்ணை குட்டைகள் அமைத்து மீன் வளர்க்க உள்ளீட்டு செலவீனம் 46 ஆயிரம் ரூபாயில் 50 சதவீதம் மானியமாக வழங்கப்படும். இத்திட்டத்தின் மூலம் பயனடைய விரும்பும் விவசாயிகள், பாளை பஸ்ஸ்டான்ட் எதிரில் உள்ள மீன்வளத் துறை உதவி இயக்குனர் அலுவலகத்தை (டெலிபோன் எண் 0462-2581488) அணுகலாம் என்று கலெக்டர் சமயமூர்த்தி தெரிவித்தார்.

http://www.dinamalar.com/district_detail.asp?id=698156