திருநெல்வேலி:இன்ஜினியரிங் படிப்புகளுக்கான விண்ணப்பங்கள் நெல்லையில் இரண்டு இடங்களில் வினியோகம் செய்யப்படுகின்றன.இன்ஜினியரிங் படிப்புகளுக்கான விண்ணப்பங்கள் இன்று (4ம் தேதி) முதல் தமிழகத்தின் பல்வேறு மையங்களில் வினியோகம் செய்யப்படுகின்றன.நெல்லையில் ரெட்டியார்பட்டி ரோட்டில் அமைந்துள்ள அண்ணா பல்கலை., மண்டல அலுவலகத்திலும், நெல்லை ராணி அண்ணா அரசுகல்லூரியிலும் விண்ணப்பங்கள் வினியோகம் செய்யப்படுகின்றன. விண்ணப்பத்தின் விலை 500 ரூபாய். எஸ்சி., எஸ்டி., பிரிவினருக்கு 250 ரூபாய். இவர்கள் இதற்கான சான்றை கொண்டு வர வேண்டும்.விண்ணப்பங்கள் வரும் 20ம் தேதி வரை காலை 9.30 முதல் 5.30 மணி வரை அனைத்து நாட்களிலும் வினியோகிக்கப்படும். பூர்த்தி செய்யப்பட்ட விண்ணப்பங்களை 20ம் தேதிக்குள் அனுப்பி வைக்க வேண்டும்.நெல்லைக்குசுமார் 8 ஆயிரம் விண்ணப்பங்கள் வரவழைக்கப்பட்டுள்ளன. தேவையை பொறுத்து மேலும் விண்ணப்பங்கள் வரைவழைக்கப்படும் என அண்ணா பல்கலை., வட்டாரங்கள் தெரிவித்தன.

http://www.dinamalar.com/district_detail.asp?id=705726