பல்லாண்டு காலமாக ஏர்வாடியில் ஒரு வசதியான பேரூந்து நிலையம் இல்லாமல் அவதிப்பட்ட அனைத்து மக்களுக்கும் , மறைந்த முன்னாள் ஏர்வாடி பேரூராட்சி தலைவர் கோ ஆனா மீரான் அவர்களது மகன் அலியப்பா அவர்கள், திருக்குறுங்குடி பத்திர பதிவு அலுவலகத்தில் 2 கோடி ரூபாய்க்கும் அதிக மதிப்புள்ள, ஏர்வாடியின் இதயப்பகுதியில் அமைந்த 28 செண்ட் நிலத்தை தானமாக 24-01-2014 அன்று பத்திரபதிவு செய்து கொடுத்தார். அவருக்கும் அவரது குடும்பத்தினருக்கும்- இறைவன் இவ்வுலகிலும் மறு உலகிலும் சகல செளபாக்கியங்களையும் வழங்கி அருளட்டும்.

இந்நிகழ்ச்சியில் அலியப்பாவின் சகோதரர்கள் அலிமலிக், அப்துல்காதர் முதலியோரும்,ஏர்வாடியின் முன்னாள் பேரூராட்சி உறுப்பினர் இப்ராஹின் ஷா, மற்றும் இந்நாள் பேரூராட்சி உறுப்பினர்கள் மாஹீன், அய்யூப்கான், கிட்டு, ஏ சி பீர்,முத்து மற்றும் அரசு ஒப்பந்த்ததாரர் ராசி மீரான் முதலியோர் பங்கேற்றனர்.