நெல்லை அருகே அ.தி.மு.க. கவுன்சிலர் வெட்டிக்கொலை

ஏர்வாடி,

நெல்லை மாவட்டம் ஏர்வாடி அருகே உள்ள நம்பி தலைவன்பட்டயம் கிராமத்தை சேர்ந்தவர், மகாராஜன் (வயது 65). திருக்குறுங்குடி நகரப்பஞ்சாயத்து 3-வது வார்டு அ.தி.மு.க. கவுன்சிலர்.மகாராஜனுக்கும், அவரது அண்ணன் திருமலைநம்பியின் மகன் மாயாண்டிக்கும் இடையே சொத்துப் பிரச்சினை இருந்து வந்தது.மாயாண்டி சென்னையில் டிரைவராக வேலை செய்து வந்தார்.  

கடந்த 2 நாட்களுக்கு முன்பு ஊருக்கு வந்தார். அப்போது அவர்களுக்குள்  மீண்டும்   தகராறு ஏற்பட்டது. இதில் ஆத்திரமடைந்த மாயாண்டி நேற்று தளவாய்புரம் மெயின் ரோட்டில் சைக்கிளில் வந்து கொண்டு இருந்த மகாராஜனை வழிமறித்து சரமாரி அரிவாளால் வெட்டினார். இதில் மகாராஜன் சம்பவ இடத்திலேயே இறந்தார்.

இது குறித்து  திருக்குறுங்குடி போலீசார் விசாரணை நடத்தி மாயாண்டியை தேடி வருகின்றனர். கொலை செய்யப்பட்ட   மகாராஜனுக்கு சொர்ணம் என்ற மனைவியும், 3 மகள்களும் உள்ளனர்.

http://www.dailythanthi.com/2014-02-28-Near-Tirunelveli-admk-Councillor-Killed