மதரஸா பள்ளி மாணவர், மாணவிகளுக்கு சிறப்புத் தேர்வு: 410 பேர் எழுதினர்

திருநெல்வேலி, மேலப்பாளையத்தில் உள்ள அரபி மதரஸா பள்ளிகளில் பயிலும் மாணவர், மாணவிகளுக்கான கோடைக்கால சிறப்புத் தேர்வு சனிக்கிழமை நடைபெற்றது.

மேலப்பாளையத்தில் உள்ள 20-க்கும் மேற்பட்ட அரபி மதரஸா பள்ளிகளை, நகர மஜ்லித் உலமா கண்காணித்து கல்வி, ஒழுக்கம், நற்குணம் ஆகிய வழிகாட்டுதல்களை வழங்கி வருகிறது. இந்தப் பள்ளிகளில் பயிலும் மாணவர், மாணவிகளுக்கு கோடைக் காலத்தை பயனுள்ளதாக மாற்றும் வகையில் சிறப்புப் பாடத் திட்டம் தயாரிக்கப்பட்டு கடந்த ஒரு மாதமாக பயிற்சி அளிக்கப்பட்டு வந்தது.

இந்த சிறப்பு பாடத்திட்டத்தின் கீழ் சனிக்கிழமை தேர்வு நடத்தப்பட்டது. மேலப்பாளையம் முஸ்லிம் பெண்கள் மேல்நிலைப் பள்ளியில் நடைபெற்ற இத் தேர்வை 410 பேர் எழுதினர். இந்தத் தேர்வில் சிறப்பிடம் பெறுவோருக்கான பரிசளிப்பு விழா மே 28ஆம் தேதி இதே பள்ளியில் நடைபெறுகிறது.

இதற்கான ஏற்பாடுகளை, சங்கத் தலைவர் மௌலவி ஹைதர் அலி மிஸ்பி, செயலர் முகமது ஆசிக் இலாஹி, பொருளாளர் முகமது இஸ்மாயில் உஸ்லானி ஆகியோர் செய்துள்ளனர்

http://www.dinamani.com/edition_thirunelveli/thirunelveli/2014/05/25/%E0%AE%AE%E0%AE%A4%E0%AE%B0%E0%AE%B8%E0%AE%BE-%E0%AE%AA%E0%AE%B3%E0%AF%8D%E0%AE%B3%E0%AE%BF-%E0%AE%AE%E0%AE%BE%E0%AE%A3%E0%AE%B5%E0%AE%B0%E0%AF%8D-%E0%AE%AE%E0%AE%BE%E0%AE%A3%E0%AE%B5%E0%AE%BF%E0%AE%95%E0%AE%B3%E0%AF%81/article2244423.ece