ஏர்வாடி பேரூராட்சி மன்றத்தின் சார்பாக அரசு ஆண்கள் பள்ளி மாணவர்களுக்கு புகையில்லா பொங்கல் குறித்த விழிப்புணர்வு பிரச்சாரம் இன்று (07/01/2015) பேரூராட்சி மன்றத் தலைவர், 
திரு M.A ஆசாத் அவர்களின் தலைமையில் நடைபெற்றது.

இன்று இந்த பூமி சந்திக்கும் பல பிரச்சனைகளுக்கு மூல காரணமே போதிய விழிப்புணர்வு இல்லாதது தான் என்பது மறுக்க முடியாத விஷயம்.

அதிலும் குறிப்பாக தூய்மை, சுற்றுச்சூழல் குறித்த விழிப்புணர்வின் தேவை இப்போது நமது ஊருக்கு மிக மிக அவசியமானது.
காரணம் நாம் பயன்படுத்தும் பல பொருட்கள், அவை தயாரிக்கப்பட்ட தன்மை முற்றிலும் இயற்க்கைக்கு எதிரானது. 
அவற்றை பயன்படுத்திவிட்டு எளிதாக நாம் வீதியில் வீசுவதாலும், தீயிட்டுக் கொழுத்துவதாலும் மண்ணின் வளத்திற்கும், காற்றின் தூய்மைக்கும், சுற்றுச்சூழலின் கெடுதிக்கும் மகா எதிரியாக அவை உருவெடுத்து விடுகிறது.

இதனால் நாம் இழந்தவைகளும், இழந்து கொண்டிருப்பவைகளும் மிக ஏராளம்.
இது பற்றிய சரியான விழிப்புணர்வு மக்களிடம் ஏற்பட்டால் மட்டுமே நிலையான தீர்வு கிடைக்கும்.

மாணவர்களிடம் முன்வைக்கும் விழிப்புணர்வு பிரச்சாரம் வரவேற்கப்பட வேண்டியது, பாராட்டப்பட வேண்டியது.

சுற்றுச்சூழல், சுகாதாரம், தூய்மை இவைகள் குறித்து என்னதான் மக்களிடம் அரசும், அரசு சார்ந்தவர்களும், சமூக ஆர்வளர்களும் மாய்ந்து மாய்ந்து சொன்னாலும் மிகச் சிலரைத் தவிர பெரும்பான்மையோர் அவற்றுக்கு செவி சாய்ப்பதே இல்லை.

அதே விஷயத்தை பள்ளியில் படிக்கும் ஒரு மாணவனோ, மாணவியோ தங்கள் பெற்றோர்களிடம்,
கெடுதியை முன்வைத்துச் சொல்லி விளக்கும் போது நம் பிள்ளை சொல்லிவிட்டான் என்பதற்காகவே அவற்றை கடைபிடிக்க வாய்ப்புகள் அதிகமுண்டு.

அந்த வாய்ப்பை இது போன்ற மாணவர்களுக்கான விழிப்புணர்வு முகாம்கள் தான் அமைத்துக் கொடுக்கும்.

பேரூராட்சி மன்றத் தலைவரின் தலைமையில் நடைபெற்ற இம்முகாமில்,
வி.ஓ திரு. பாபு சந்திர சேகரன், பேரூராட்சி மன்றத் துணைத்தலைவர் திரு. பீர், ஏர்வாடி வளர்ச்சி மன்றக் குழு செயலாளர் திரு. அண்ணாவி உதுமான், அரசு ஆண்கள் மேல்நிலைப்பள்ளி தலைமையாசிரியர் திரு. முத்து கிருஷ்ணன், ஆசிரியர் திரு. தங்கவேல் சார், வியாபாரிகள் சங்க மாவட்ட இணைச் செயலாளர் திரு. ஹமீது ஹம்சா, ஏர்வாடி வியாபாரிகள் சங்க துணைத் தலைவர் திரு. சேக் முஹம்மது, வார்டு உறுப்பினர்கள் திரு. அய்யூப் கான், திரு. மாஹீன், ஏர்வாடி பைத்துஸ்ஸலாம் முகநூல் குழும அட்மின் திரு. S.I சுல்தான் ஆகியோர் பங்கேற்றனர்.

முகாமில் அரசு ஆண்கள் பள்ளி மாணவர்களும், பேரூராட்சி மன்ற ஊழியர்களும் கலந்து கொண்டணர்.

முகாமில் மாணவர்களுக்கு மத்தியில் உரையாற்றிய பேரூராட்சி தலைவர் திரு. M.A ஆசாத் அவர்கள் உட்பட பலரும் புகையில்லா பொங்கல், குப்பையில்லா நகரம் போன்ற விஷயங்களை முன் வைத்து உரையாற்றினார்கள்.

அனைவருக்கும் நமது நன்றிகளும், பாராட்டுக்களும்....... .....

https://www.facebook.com/permalink.php?story_fbid=427711057385775&id=386252861531595