டோனாவூர் குறைந்த கட்டணம் நிறைந்த மருத்துவ சேவை.

ஏர்வாடி மக்களின் வாழ்வில் பொருளாதார வசதி ஏற்படுவதற்கு முன் மருத்துவத்திற்காக அவர்கள் நாடிய ஒரே இடம் டோனாவூர் மருத்துவமனைதான்.

தற்போது நமது ஊரில் வாழும் 40 வயதுக்கு மேற்பட்டோரில் பலர் இங்குதான் பிறந்திருப்பார்கள்.

டோனாவூர் மருத்துவமனையோடு தொடர்புடைய நமது ஊரைச் சார்ந்த அனைவருக்கும் அறிமுகமான டாக்டர் பொன்னலரி காருண்யா M.B.B.S., அவர்கள் நேற்று அகால மரணமடைந்து விட்டார்கள்.
அவர்களின் உடல் நேற்று நல்லடக்கம் செய்யப்பட்டது.
இறுதிச் சடங்கில்
மருத்துவமனை ஊழியர்கள், ஊர் பொது மக்கள் என பலரும் திரளாகக் கலந்து கொண்டனர்.

அனைவராலும் வேலுரம்மா என்றும் அழைக்கப்படும் இவர் மருத்துவ சேவைக்காக தன் வாழ்வையே துறந்தவர்.

சுமார் 50 வருட கால சேவை.
அனைவரிடத்திலும் அன்போடும், கருணையோடும், புன்னகையோடும் நடந்து கொள்ளும் அழகிய தன்மை இவை டோனாவூரம்மாவின் தனிச்சிறப்பு.

வருமானம் ஈட்டும் தொழிலாளாக மாறிவிட்ட மருத்துவத் துறையில்,
மகத்தான மக்கள் சேவை ஒன்றை மட்டுமே குறிக்கோளாகக் கொண்டு இறுதிவரை அப்படியே வாழ்ந்து மறைந்த டாக்டர் வேலுரம்மாவின் சேவை மக்கள் மனங்களில் நீங்காமல் வாழும்.

டாக்டர் அவர்களின் மரணத்திற்கு நமது ஆழ்ந்த அனுதாபங்கள்!