அதிலும் தட்பவெட்ப சூழ்நிலைக்குத் தக்கவாறு அவற்றின் பலன்களையும் இணைத்தே தருவது அவனது இணையற்ற வல்லமையின் வெளிப்பாடு.

ஏர்வாடி தெற்கு மெயின்ரோடு பழைய போஸ்ட் ஆபீஸ் முன்னுள்ள பெரிய வேப்பமர நிழலில் சீசனுக்கு தகுந்தவாறு நடைபெறும் வியாபாரம் தினமும் கலைகட்டுகிறது.

இவ்விடத்தில் விற்பனைக்கு குவிக்கப்படும் பொருட்களை வைத்தே இப்போது என்ன சீசன்? என்பதை அறிந்து கொள்ளலாம்.

கொய்யா, சப்போட்டா, பலா (சக்கை பழம்) கரும்பு, என்று அந்தந்த சீசனில் கிடைப்பவற்றை தள்ளு வண்டியிலும், குட்டி யானையிலும், தரையிலும் குவிக்கப்பட்டு விற்பனை செய்யப்படும் இந்த இடத்தில் தற்போது நொங்கு மற்றும் மாம்பழம் விறுவிறுப்பாக விற்பனையில் உள்ளது.

இளைப்பாற்றி இதமளிக்கும் இளநீரும் கிடைக்கிறது.  வெயிலின் கொடுமையைத் தடுக்கும் வேப்பமர நிழலும், அதன் குளுமையும் நிறைந்த இந்த இடத்தில், இருசக்கர வாகனங்களை நிறுத்தி இளநீர் பருகுவோர், நொங்கை புசிப்போர் பைகளில் அவற்றை வாங்கிச் செல்வோர் ஏராளமானோர் உண்டு.

ஏர்வாடியில் சீசனுக்கு தகுந்த பொருட்கள் விற்பனை செய்யப்படும் இடங்களில் முக்கிய இடமாக பழைய போஸ்ட் ஆபீஸ் அருகிலுள்ள இந்த இடம் தற்போது மாறிவருகிறது.

புதிய பஸ் நிலையம் திறக்கப்பட்டால் இது போன்ற வியாபாரங்களால் இவ்விடம் இன்னும் கலைகட்டலாம்.

புகைப்படங்கள் & தகவல்கள்:
தம்பி B.ரியாஸ் அஹமது.
ஹமீது காலனி, ஏர்வாடி.

https://www.facebook.com/permalink.php?story_fbid=485223864967827&id=386252861531595