ஏர்வாடி ஆறாவது தெரு தீன் சந்து மக்களின் கோரிக்கையை ஏற்று சிமெண்ட் சாலை அமைத்துக் கொடுத்ததன் மூலம் அவர்களின் சிரமங்கள் கலைந்த நமது ஏர்வாடி பேரூராட்சி தலைவர் திரு.M.A. ஆசாத் அவர்கள் மற்றும் பேரூராட்சி நிர்வாகத்தினர், குறிப்பாக இப்பகுதி கவுன்சிலர் ஆகியோருக்கும், இதற்கான முயற்ச்சிகளை முன்னெடுத்த நல்ல இதயங்கள் யாவருக்கும் நம் மனமார்ந்த நன்றிகள் கோடி.

சமூக அக்கறை கொண்ட நம் நண்பர்கள் சிலரின் வேண்டுகோளுக்கிணங்க கடந்த பிப்ரவரி 07/2015 அன்று "ஆறாவது தெரு, தீன் சந்து மக்களின் அவதியும், ஆதங்கமும்!" -எனும் தலைப்பில் ஒரு பதிவிட்டிருந்தோம்.

பலரின் முயற்சியும், பேரூராட்சியின் நடவடிக்கையும் நல்ல மாற்றத்தைத் தந்துள்ளது. இந்த சிமிண்ட் சாலை மட்டுமின்றி இந்த தெருவின் அடிப்படைத் தேவைகளான வாறுகால்,  மின்விளக்கு, குடிநீர் வசதி, வாகனங்கள் உள்ளே சென்றுவர இடையூறாக பாதையில் நட்டப்பட்டிருந்த மின்கம்பங்கள் மற்றும் ஆக்கிரமிப்புகளை அகற்றி, வாகனங்கள் தெருவுக்குள் சென்றுவரும் வசதி போன்றவற்றையும் தற்போதைய பேரூராட்சி நிர்வாகமே நிறைவேற்றித் தந்துள்ளது என்பது குறிப்பிடத்தக்கது.

மக்களுக்காக தேர்ந்தெடுக்கப்பட்டவர்கள் மக்கள் பணியாற்றுவது அவர்களின் கடமை. என்றாலும், இலஞ்சமும், ஊழலும் பெருக்கெடுத்து ஓடும் தேசத்தில், 
அதில் உலன்று மக்களுக்குச் சேர வேண்டியதைச் சுரண்டிப் பிழைக்கும் பெருச்சாலிகளுக்கு மத்தியில், மக்கள் நலப்பணித் திட்டங்களை அதற்காக ஒதுக்கப்படும் முழு நிதியையும் பயன்படுத்தி நிறைவேற்றிக் கொடுக்கும் நம் பேரூராட்சி நிர்வாகத்தின் நல்லறத்தை நாம் மனம் திறந்து பாராட்டுகிறோம்!

உங்கள் பணிகள் மென்மேலும் சிறந்து விளங்க -அதனால் நமது ஊர் வளர்ந்து ஓங்க நல் வார்த்தைகளோடு நம் நல்வாழ்த்துக்கள்!

https://www.facebook.com/permalink.php?story_fbid=486482924841921&id=386252861531595