தாமிரபரணி - கருமேணியாறு - நம்பியாறு இணைப்புத் திட்டத்தை நிறைவேற்ற மத்திய திட்டக்குழு விரைவாக பரிசீலிக்க வேண்டும் என சென்னை உயர் நீதிமன்றம் உத்தரவிட்டுள்ளது.

 
இதுதொடர்பாக முன்னாள் எம்.எல்.ஏ.அப்பாவு தாக்கல் செய்திருந்த மனுவில், தாமிரபணி ஆற்றிலிருந்து 13 டி.எம்.சி நீர் வீணாக கடலில் கலப்பதாகவும், அதை தேக்கி வைத்தால் நெல்லை, தூத்துக்குடி‌ மாவட்டங்கள் பயன்பெறும் என்றும் கூறியிருந்தார்.

 
இதற்காக தாமிரபரணி - கருமேணியாறு - நம்பியாறு இணைப்புத் திட்டத்தை கொண்டுவந்த தமிழக அரசு அதில் இரண்டு கட்ட பணிகள் நிறைவு செய்திருப்பதாகவும், அதற்கடுத்த இரண்டு கட்டப் பணிகள் நிலுவையில் இருப்பதாகவும் குறிப்பிட்டிருந்தார். இந்நிலையில் தலைமை நீதிபதி எஸ்.கே.கவுல், நீதிபதி சிவஞானம் முன்பாக இந்த வழக்கு வந்தபோது, இத்திட்டத்தினை குறிப்பிட்ட கால அளவுக்குள் நிறைவேற்ற மத்திய மாநில அரசுகள் நடவடிக்கை மேற்கொள்ள வேண்டும் என்று உத்தரவிட்டனர்.

 
மேலும், அடுத்த இரண்டு கட்டப் பணிகளுக்கான ஒப்புதல் கடிதத்தை மத்திய அரசுக்கு தமிழக அரசு ஆறு வாரத்திற்குள் அனுப்ப வேண்டும் என்றும், அதனை இரண்டு வாரங்களில் மத்திய அரசு பரிசீலித்து நடவடிக்கை எடுக்க வேண்டும் என்றும் நீதிபதிகள் உத்தரவிட்டனர். இதில் ஏதும் தாமதம் ஏற்பட்டால் மனுதாரர் நீதிமன்றத்தை நாடலாம் என்றும் நீதிபதில் தங்கள் உத்தரவில் கூறியுள்ளனர்.

http://www.puthiyathalaimurai.tv/%E0%AE%A4%E0%AE%BE%E0%AE%AE%E0%AE%BF%E0%AE%B0%E0%AE%AA%E0%AE%B0%E0%AE%A3%E0%AE%BF-%E0%AE%95%E0%AE%B0%E0%AF%81%E0%AE%AE%E0%AF%87%E0%AE%A3%E0%AE%BF%E0%AE%AF%E0%AE%BE%E0%AE%B1%E0%AF%81-%E0%AE%A8-233334.html