08/01/2016 அன்று அதிகாலை பணகுடி அருகே நிகழந்த பத்து உயிர்களைப் பலி கொண்ட கோர விபத்தின் போது தமிழ்நாடு முஸ்லிம் முன்னேற்றக் கழகம் ஏர்வாடி கிளையைச் சார்ந்த முஸ்லிம்களின் மனிதநேயப் பணிகள் குறித்து பத்திரிக்கையாளர் தோழர் ஜெப குமார் அவர்கள் தனது முகநூல் பகுதியில் பதிவிட்டுள்ள பதிவு இதோ...

********* ********** ********** *******
என் வீட்டு முற்றத்தில் இன்று நடந்த விபத்து குறித்த பதிவு இது.
வள்ளியூர் அருகே நடந்த விபத்தில் இறைபணி செய்த தமுமுக 
------------------------

நெல்லை மாவட்டம் வள்ளியூர் அருகே இன்று அதிகாலை நடந்த பேருந்து விபத்தில் 10 பேர் உடல் சிதறி இறந்தனர்.

அதில் ஏர்வாடியை சேர்ந்த தமுமுகவினரின் செயல்பாடு சொல்லி மாளாது.

விபத்து நடந்த சிறிது நேரத்திலேயே வேகமாக ஆம்புலன்சை கொண்டு வந்து பேருந்தில் இருந்தவர்களை வேகமாக வெளியே மீட்டு மருத்துவமனைக்கு அனுப்பியது.

விபத்தில் இறந்தவர்களின் கை , கால் , தலை என அனைத்து உறுப்புகளும் 50 அடி தூரத்துக்கு சிதறியது. இதில் யாருடைய உடல் உறுப்புகள் என கண்டு பிடிக்க முடியாத அளவுக்கு சிதைந்து காணப்பட்டது. அப்படி பட்ட உடல்களை யாரையும் எதிர்பார்க்காமல் களத்தில் இறங்கி பணியாற்றினர் தமுமுகவினர்.
தனது மனைவியின் கை மட்டும் துண்டாகி விட்டது அதை கண்டுபிடுத்து தாருங்கள் என்று ஒருவர் சொல்ல அதையும் கண்டுபிடித்து கொடுத்தனர்.  இப்படி பல செயல்களை சொல்லலாம்.

எதையும் , யாரையும் எதிர்பாராமல் செய்யும் தமுமுகவினரின் உதவிக்கு வாழ்த்துக்கள் என்ற ஒரு வார்த்தைகளினால் கூறிவிடமுடியாது. அவர்கள் பணி இறைபணி.

நன்றி: சவுக் அடி