நீர் மேலாண்மை மற்றும் பாதுகாத்தல் விழிப்புணர்வு பேரணி.

அஸ்ஸலாமு அலைக்கும் வரஹ்மத்துல்லாஹி வபரக்காத்துஹு.

நமது ஊரில் கடந்த சில மாதங்களில், கடும் வறட்சியின் காரணமாக,தண்ணீர் தட்டுப்பாடு ஏற்பட்டது.இது போன்ற நிலை இனி வரும் காலங்களில் ஏற்படாமல் தடுக்கவும்,நமது ஊரின் நீர் ஆதாரத்தை பாதுகாத்து அதிகரிக்கவும்,

அதற்காக பொதுமக்களிடையே நல்ல விழிப்புணர்வு ஏற்படுத்தும் நோக்கத்திலும், ஈமான் அறக்கட்டளை சார்பில் பல்வேறு முயற்சிகள் மேற்கொண்டு வருகிறோம்.அதன் தொடர்ச்சியாக பல்வேறு கட்டங்களில் கலந்தாய்வு செய்தோம்.

அதன் ஒரு முயற்சியாக,வரும் நாட்களில் வீதிதோரும் விழிப்புணர்வு பேரணி நடத்த முடிவு செய்துள்ளோம்.

அதன் மூலம் மக்களிடையே ஒரு விழிப்புணர்வு ஏற்படுத்தவும், சில முயற்சிகள் மேற்கொண்டு வருகிறோம்.அதில் முகநூல் சகோதரர்களின் பங்களிப்பும் மிக மிக அவசியம்.

பேரணியில் பயன் படுத்தவும்,வீடு தோரும் விழிப்புணர்வு ஏற்படுத்தவும், சிறந்த கவிதை நடையிலான, சிறிய விழிப்புணர்வு கோஷங்கள் கீழே கமெண்டில் பதிவிடுமாறு அன்போடு கேட்டு கொள்கிறோம்.தேர்ந்தெடுக்கப்பட்ட சிறந்த கோஷங்கள் பேரணியில் பயன் படுத்தப்படும்.

நமது குழந்தைகளின் எதிர்காலம் கருதி அவர்களுக்காக நாம் எவ்வாறு கஷ்டப்பட்டு பொருளாதாரத்தை சேமிக்கின்றோமோ,

அதுபோலவே, அவர்கள் நோய்நொடி இல்லாமல் உயிர் வாழத் தேவையான தண்ணீரை பாதுகாக்க வேண்டியதும் நமது கட்டாய கடமையாகும்.

நிலத்தடி நீர் தட்டுப்பாடு ஏற்படாமல் இருக்க நாம் என்ன என்ன செய்யலாம்? என்ன என்ன செய்ய வேண்டும்?  என்பதை  ஈமான் அறக்கட்டளை-ஏர்வாடிக்கு தாங்கள் தனிப்பட்ட முறையிலும்  அறிய ஆலோசனைகள் வழங்கலாம்.

அது உங்களின் கடமையும் கூட.

நீர் நிறைந்த ஏர்வாடி
நிறைவு பெற்ற சமுதாயமாக வாழ 
வல்ல இறைவன் அருள்புரிவனாக 
ஆமீன்.

ஜஸாக்கு முல்லாஹு ஹைரன்.

பேரணிக்கு மிக குறுகிய காலமே இருப்பதால்,
உடனடியாக உங்களின் எழுத்தாற்றல்,
எங்களை வந்தடையட்டும்.

நாள்: 02-ஆகஸ்ட்-2017