நெம்ஸ் பள்ளியில் குழந்தைகள் தினம் பாரம்பரிய முறையில் கொண்டாட்டம் !!
|
Posted by S Peer Mohamed
(peer) on 11/15/2023 7:46:38 AM
|
|||
நவம்பர் 14/2023 குழந்தைகள் தினம் பாரம்பரிய முறையில் நெம்ஸ் பள்ளியில் கொண்டாடப்பட்டது. திருநெல்வேலி மாவட்ட அளவில் பல முக்கிய நிகழ்ச்சிகளை முதன்முதலில் திட்டமிடப்பட்டு சிறப்புற நடத்திவரும் நெல்லை ஏர்வாடி மாடல் பள்ளியில் இந்த மாத கருப்பொருளாக பழமையான பாரம்பரியமும் கலாச்சாரமும் என்ற குறிக்கோளை முன்னிட்டு குழந்தைகள் தினமான நவ 14 அன்று கொண்டாடப்பட்டது. முன்னதாக காலை 8 மணி முதல் நமது நெம்ஸ் நட்சத்திரங்கள் நமது தமிழர் பண்பாட்டின் ஆடைகளான வேட்டி சட்டையிலும், பட்டு பாவடை தாவணி அணிந்தும் குதூகலத்துடன் பாரம்பரிய உணவு வகைகளோடு வந்து காட்சிபடுத்தினர். நெம்ஸ் நட்சத்திரங்கள் இறைவசனம் ஓத மற்றும் 1வது & 2வது வகுப்பு நட்சத்திரங்களின் கோலாட்டம் துவங்கியது ( கோலாட்டம் என்பது கை மற்றும் கண் ஒன்றினைத்து செயல்படும் புரிதலுடன் கூடிய ஒர் பயிற்சியாகும் அதனை செய்வதின் மூலம் உடல் அசைவும் ஏற்படுதல் மழலைகளின் கற்றல் மேம்பட உதவும் ஒர் பயிற்சி ) 3வது & 4வது வகுப்பு நட்சத்திரங்களின் சிலம்பாட்டமும் உடற்பயிற்சி ஆட்டங்களான ஆவியம் மணி ஆவியம் போன்ற 3 தலைமுறைக்கு முந்தைய விளையாட்டுகளும், கொல கொலைய முந்திரிக்கா போன்ற விளையாட்டுகளும் அனைவரையும் அவர்களின் பள்ளி பருவ கால சிந்தனைகளுக்கு அழைத்து சென்றது. அதனை தொடர்ந்து இன்றைய தட்பவெப்ப நிலையில் ஏற்படும் நோய்களுக்கான வீட்டு கை மருந்து குறிப்புகளை தாத்தா பாட்டிகள் தெரிவித்தது முத்தாய்ப்பாக அமைந்தது. மேலும் அன்றைய பெற்றோர்களும் இன்றைய பெற்றோர்களுக்கும் உள்ள வேறுபாடுகளை தெரிவித்து அனைவரின் பாரட்டையும் பெற்றார் ஒர் பாட்டி. நிகழ்ச்சியின் இறுதியாக நட்சத்திரங்களின் பாரம்பரிய உணவுகளை சுவைத்து மகிழ்ந்த தாத்தா பாட்டிமார்கள் தங்களது மழலை கால உணவுகளான கேழ்வரகு,சிறுதானிய கூழ், வறகு அரிசி,கிழங்கு,கொண்ட கடலை,சுக்கு பால்,இஞ்சி சட்னி, பொங்கல்,பாயாசம், தானிய சோறு வகைகள் மேலும் 100 க்கும் மேற்பட்ட உணவுகளை கண்டும் உண்டும் மெய் சிலிர்த்தனர்.
|
|||
|
|
|||
| News Home | Old News | Post News |
The view points and opinion solely those of the author or source. nellaiEruvadi.com is not responsible for the posted contents.. |
||