காசாவின் இரண்டாவது நகரமான கான் யூனிஸில் அமைக்கப்பட்ட ஒரு கள மருத்துவமனைக்கு பிரெஞ்சு மற்றும் ஜோர்டானிய விமானப்படைகள் ஏழு டன் அவசர மனிதாபிமான மற்றும் மருத்துவ உதவிகளை பாராசூட்டுகள் மூலம் தரையிறக்கியது என்று பிரெஞ்சு அதிபர் அலுவலக அதிகாரி ஒருவர் வெள்ளிக்கிழமை தெரிவித்தார் - Reuters reports.

ஜோர்டான் முன்பு காசாவில் விமானங்கள் மூலம் உதவி பொருட்களை விநியோகித்துள்ளது. பாரிஸ் இது போன்ற ஒரு நடவடிக்கையில் நேரடியாக பங்கேற்பது இதுவே முதல் முறையாகும், இருப்பினும் அது இதுவரை சுமார் 1,000 டன் உதவிகளை விநியோகித்துள்ளது வழங்கியது.

இஸ்ரேலிய தாக்குதலில் இது வரை பெண்கள், குழந்தைகள், முதியோர் உட்பட 22,600 பேர் கொல்லப்பட்டுள்ளதாக பாலஸ்தீனிய சுகாதார அதிகாரிகள் தெரிவித்திருக்கின்றனர். மேலும் காசாவில் குடியிருப்புகளை அழிக்கப்பட்டு ஆயிரக்கணக்கானோர் இடம்பெயர்ந்துள்ளனர்.

வியாழன் இரவு நடந்த இந்த நடவடிக்கையில் பிரான்ஸ் விமானம் மற்றும் ஜோர்டான் விமானம் ஈடுபட்டதாக பிரான்ஸ் அதிபர் அலுவலக அதிகாரி ஒருவர் தெரிவித்தார்.

"காசாவில் மனிதாபிமான நிலைமை மிகவும் முக்கியமானது" என்று பிரான்ஸ் அதிபர் இம்மானுவேல் மக்ரோன் X  (Tiwtter) இல்    பதிவிட்டிருந்தார். .



விநியோகம் செய்யப்பட்ட பொருட்களின் விவரங்களையோ  அல்லது இஸ்ரேல் இந்த விமான நடவடிக்கைக்கு பச்சைக்கொடி காட்டியதா என்பதையோ அந்த அதிகாரி கூற மறுத்துவிட்டார்.

இஸ்ரேல் முந்தைய ஜோர்டானிய வான்வழி உதவிப் பணிக்கு நவம்பர் மாதம் ஒப்புதல் அளித்தது.

ஜோர்டான் இஸ்ரேலுக்கான தனது தூதரை திரும்ப அழைத்துக் கொண்டதுடன், காசா மீதான இஸ்ரேலிய குண்டுவீச்சுக்கு எதிர்ப்புத் தெரிவிக்கும் வகையில் இஸ்ரேலிய தூதரிடம் விலகி இருக்குமாறு கூறியுள்ளது, தாக்குதல்கள் அப்பாவிகளைக் கொன்றதாகவும் மனிதாபிமான பேரழிவை ஏற்படுத்தியதாகவும் கூறியுள்ளது குறிப்பிடத்தக்கது.