ஏக இறைவனின் திருப்பெயரால்.

நெம்ஸ் நட்சத்திரங்கள் ஏட்டுக் கல்வியுடன் வாழ்வியல் கல்வியையும் கற்றுக் கொள்ள வேண்டும் என்ற சிறந்த நோக்கத்தில் கல்விச் சுற்றுலா தொடர்ச்சியாக ஏற்பாடு செய்யப்பட்டு வருகிறது.

கடந்த வருடங்களில் நமது மாணவர்கள் கீழ்கண்ட இடங்களுக்கு சென்று தங்கள் வாழ்விற்கு தேவையான பாடங்களை நேரடியாக கற்றுக்கொண்டார்கள்.

1.தீயணைப்பு நிலையம்.
2. காவல் நிலையம்
3.வள்ளியூர் இரயில் நிலையம்
4.டோனாவூர் பெல்லோசிப் மருத்துவமனை
5. செங்கல் சூளை
6. ஜஸ்கிரீம் தொழிற்சாலை
7.முதியோர் இல்லம்
8. மனமகிழ் பூங்கா
9.அனைத்து மத வழிபாட்டுதலங்கள்

இந்த கல்விச் சுற்றுலா மாணவர்களுக்கு கல்வியையும், மகிழ்ச்சியையும் ஒருங்கே அளித்தன. மகிழ்ச்சியான பயனுள்ள வாழ்வியல் கல்வி -இதுதானே நெம்ஸின் தாரக மந்திரம். பெற்றோர்களும் இதனைப் பாராட்டி தங்கள் கருத்துகளை தெரிவித்திருந்தனர்.

இதன் தொடர்ச்சியாக, 📕📗📘 5 ஆம் ஆண்டு வாழ்வியல் பாடக் கல்விச் சுற்றுலா 📓📔📒 22/10/2024, செவ்வாய்க்கிழமை ஏற்பாடு செய்யப்பட்டிருந்தது.

“”*தமிழக அளவில் முதன் முறையாக”””

சினிமாக்களின் மூலமும்,நாடகங்களின் மூலமே கண்டு களித்த நம்மில் வயது மூத்தவர்கள் கூட இன்னும் கானாத நிகழ்வான நீதிமன்ற நடவடிக்கைகளை
நெம்ஸ் இன் 1 முதல் 6 வகுப்பு நட்சத்திரங்களை தாலுகா நீதிமன்றங்களுக்கு அழைத்து சென்று நேரடியாக காட்டியது
வாழ்வியல் கல்வியின் ஒரு பகுதியாக நெம்ஸ் இன் கல்வி பயண வரலாற்றில் மீண்டும் ஓர் மைல்கல்

⚖️ இந்த வருட வாழ்வியல் கல்வி சுற்றுலாவை நீதிமன்றம் அழைத்து செல்வது என உத்தேசித்து  நமதூர் ஏர்வாடியை சேர்ந்த இளம் வழக்கறிஞர் எஜாஸ் அவர்களை அனுகியபோது மறுநாளே நாங்குநேரி வழக்கறிஞர்கள் சங்க தலைவர் அவர்களிடம் அனுமதி பெற்று செயலாளர் அட்வகேட் ரமேஷ் மற்றும் பொருளாளர் அட்வகேட் நம்பி உதவியுடன் நாங்குநேரி ஒருங்கிணைந்த நீதிமன்றத்தின் தலைமையான சார்பு நீதிபதி திரு.ராமதாஸ் அவர்களை நேரடியாக சந்தித்து அனுமதி கடிதம் அளிக்கப்பட்டது.

அதனை தொடர்ந்து இன்று செவ்வாய் 22/10/2024 காலை 11.00 மணிக்கு நாங்குநேரி நீதிமன்ற வளாகத்திற்கு சென்றோம் வழக்கறிஞர் நம்பி அவர்கள் இன்முகத்தோடு வரவேற்று நீதிமன்றத்திற்குள் அழைத்து சென்றார். அங்கு சுமார் 15 நிமிடம் வழக்காடும் விதத்தை கண்டு கழித்தோம். அடுத்ததாக கிரிமினல் நீதிமன்ற நடவடிக்கைகளை கண்டுகான நீதிபதி ராமதாஸ் அறிவுறுத்தியதின் படி
அட்வகேட் நம்பி அவர்கள் புதிய கோர்ட் வளாகத்தில் அமைந்துள்ள குற்றவியல் நிதிமன்றத்திற்குள் அழைத்து சென்றார்.
அங்கு நாங்குநேரி அட்வகேட்ஸ் பார் அசோசியேசன் செயலாளர் அட்வகேட் ரமேஷ் அவர்கள் இன்முகத்தோடு வரவேற்று உள்ளே அழைத்து சென்று 20 நிமிடம் வழக்கறிஞர்கள் வழக்காடும் விதத்தை கண்டு கழிக்க உதவினார். மேலும், வழக்காடும் விதத்தை கண்ட நட்சத்திரங்கள் திகைப்புக்குள்ளாகினர்.

அதனை தொடர்ந்து நட்சத்திரங்களுக்கு நீதிமன்ற நடவடிக்கைகளை விவரிக்க ஆர்வமாக முன்வந்த குற்றவியல் நீதிமன்றத்தின் நடுவர் திரு.சிதம்பரம் அவர்கள் தனது இருக்கையை விட்டு இறங்கி வழக்கறிஞர்கள் அமரும் மைய வளாகத்திற்குள் வந்து நட்சத்திரங்களிடம் கேள்விகளை கேட்க சொல்லி எளிய முறையில் பதில் அளித்தார். மேலும் நீங்கள் எப்படி நீதிமன்ற துறையை தேர்வு செய்தீர்கள் என்று 4 வகுப்பு மாணவி கேட்ட கேள்வி குற்றவியல் நீதிமன்ற நடுவர் திரு.சிதம்பரம் அவர்களை வியப்பில் ஆழ்த்தியது.

மேலும் பைக் ஒட்டி விபத்து ஏற்படுத்திய வழக்கு தண்டனை குறித்தும், குற்றவாளி உண்மையைதான் சொல்லுவார் என்பதை எவ்வாறு கண்டுபிடிப்பீர்கள் என்று மழலைகள் கேட்டது நடுவர்க்கு மிகவும் மகிழ்ச்சியை தந்தது மழலைகளுக்கே புரியும் வண்ணம் பதில் கொடுத்து 20 நிமிடங்களுக்கு மேல் பலதரப்பட்ட நட்சத்திரங்களின் கேள்விகளையும் எதிர் கொண்டு புன்முறுவலோடு பதில் அளித்தார்.

பல வருட அனுபவம் கொண்ட வழக்கறிஞர்கள் வாதாடும் நீதிமன்ற வளாகம் நெம்ஸ் வருங்கால வழக்கறிஞர்களாலும் அவர்களின் கேள்விகளாலும் 20 நிமிடம் நிரம்பியது.

அதனை தொடர்ந்து குற்றவியல் நீதிமன்ற நடுவர் சிதம்பரம் அறிவுத்தலின் படி மாடியில் உள்ள உரிமையில் (Civil) நீதிமன்ற வளாகத்துக்கு சென்று கண்டு கழித்து வந்தனர்.
இறுதியாக நீதிமன்ற முகப்பு பகுதியில் நட்சத்திரங்களை ஒருங்கினணத்து அவர் 90 நிமிடம் நீதிமன்றங்களின் நடவடிக்கைகளில் அவர்கள் தெரிந்து கொண்டதை மீள் ஆய்வு செய்வது போல் சார்பு நீதிமன்ற நீதிபதி அவர்களும், குற்றவியல் நீதிமன்ற நீதிபதியும் ஒவ்வொரு நட்சத்திரங்களிடமும் கேள்விகளை கேட்டு அவர்கள் பதில் அளித்ததை கண்டு அகமகிழ்ந்ததோடு நாங்குநேரி பார் அசோசியேசன் சார்பாக வழங்கிய பரிசுகளையும் இனிப்புகளையும் அனைத்து நட்சத்திரங்களுக்கும் அளித்தனர்.

இந்நிகழ்வை கண்ட பொதுமக்களும், நீதிமன்ற அலுவலர்களும் இதர வழக்கறிஞர்களும் மனமாற பாராட்டியதோடு எந்த ஸ்கூல் நீங்கள் என்று நமது நிர்வாகிகளிடம் கேட்டு நாம் இதற்கு முன் சென்ற வாழ்வியல் கல்வி சுற்றுலா குறித்த விபரங்களை தெரிந்துகொண்டு பாராட்டினார்கள்.

இறுதியாக சார்பு நீதிபதி அவர்களுக்கு நினைவு பரிசு நெம்ஸ் சார்பில் அதன் நிர்வாகிகள் வழங்கினர்.